Umsögn frá verðandi föður

“Námskeiðið Faðir verður til er það gott að það ætti að vera skylda fyrir alla verðandi feður að fara á. Gefur föðurnum innsýn inn í það sem að móðirin er að upplifa. Eflir föðurinn og hvetur hann til að verða enn betri útgáfa af sjálfum sér. Sjá samband sitt og maka frá öðru sjónarhorni og maður lærir að geta fyllilega sýnt því skilning sem móður og barn, sem er að koma í heiminn, eru að ganga í gegnum. Hefði alls ekki vilja missa af þessu og námskeið Ólafs fær mín allra bestu meðmæli.”

Þórður Gunnar Þorvaldsson, læknir á Landspítala Háskólasjúkrahúsi

Fleiri umsagnir frá þátttakendum:

“Að skilja betur hvað hægt er að gera til að hjálpa konunni. Koma því í orð hvað það er mikilvægt að gefa sér tíma með barninu og vera með því á þeim tíma, ekki í símanum eða gera eitthvað annað. Þetta námskeið er mjög hjálplegt, ekki síst fyrir FEÐUR sem eiga börn fyrir.”

“Mér fannst hjálplegt að heyra frá öðrum og 2&2 spjallið var mjög gott líka. Líka gott að vita við hverju eigi að búast og góð ráð uppá að hjálpa og hugsa um konuna. Veit ekki hvort mér finnist eitthvað vanta var allt mjög gagnlegt sem kom fram. Ég myndi mæla með námskeiðinu. Það gaf mér alveg marga hluti til að pæla í.”

”Hvað var hjálplegt? Aukin innsýn í huga konunnar og góð ráð hvernig eigi að nálgast hana á meðgöngu og fyrstu vikur eftir fæðingu. Gaman ad koma á námskeið hjá manni sem virðist hafa það sem mission í lífinu að hjálpa foreldrum og feðrum sérstaklega að verða betri útgafa af sjálfum sér.”

“Mjög fræðandi og hjálpar manni að verða meiri þátttakandi í nýju hlutverki. Myndi hiklaust mæla með námskeiðinu. Þetta er frábært námskeið sem er mjög fræðandi að mínu mati og hjálpar verðandi feðrum að verða hluti af meðgöngu. Námskeiðið ýtir undir það að við séum meiri þáttakendur þessum fyrstu skrefum bæði áður og eftir að barn fæðist.”

“Eins magnað og það er til þess að hugsa þá upplifa hartnær 70% allra para lífsgæðaskerðingu á fyrstu þremur árum barns síns, jafnvel þó svo að nýr fjölskyldumeðlimur sé hjartanlega og einlæglega velkominn í þennan heim. Foreldrahlutverkið er eitt það allra stærsta hlutverk sem hugsast getur, líklega það stærsta og mikilvægasta. Til þess að geta tekist á við þetta hlutverk skiptir stuðningur óendanlega miklu máli, stuðningur frá nánustu fjölskyldu, stuðningur nýrra foreldra hvort við annað, stuðningur samfélagsins eins og það leggur sig. Öllum nýjum hlutverkum fylgir ný ábyrgð, nýjar kröfur og nýjar áskoranir og þar er foreldrahlutverkið engin undantekning. 

Fyrir nýbakaða foreldra getur heilbrigð áminning um mikilvægi samskipta, nándar, næmni og kærleika skipt sköpum. Fá, ef einhver, hef ég hitt sem eru jafn meðvitaður um þetta og Ólafur Grétar.

Seint skyldi vanmetin sú gjöf til ungra foreldra að fá leiðsögn og stuðning fyrir fæðingu barns og í kjölfar hennar. Framsýn og jafnréttissinnuð fyrirtæki gerðu starfsfólki sínu, og samfélaginu öllu gott með að rétta fram hjálparhönd til þessa brýna samfélagslega verkefnis.“

Bóas Hallgrímsson (hann/he)

“Takk Ólafur, þú ert einn af örfáum sem minnir okkur á mikilvægi fyrstu æviáranna og nauðsyn þess að hlúa vel að foreldrum á þesssu lykilskeiði barnanna okkar. Dropinn mun á endanum hola steininn, höldum þess vegna áfram að tala um mikilvægi fyrstu 1000 daganna!”

Sæunn Kjartansdóttir hjúkrunarfræðingur og sálgreinir og höfundur Árin sem enginn man – Áhrif frumbernskunnar á börn og fullorðna, Fyrstu 1000 dagarnir – Barn verður til og Gáfaða dýrið - Í leit af sjálfsþekkingu 

“Til hamingju Ólafur Grétar fyrir að fá þessa bók og gera þínar áætlanir með hana :-) Þú ert ótrúlegur; eljusamur og metnaðarfullur um málefni feðra og ( þá meina ég líka að líðan móður hefur áhrif á alla, maka og börn. ) Ekki síður eftir því sem börnin verða fleiri, finnst mér þetta eiga við. Ég tel að þetta sé það sé veruleg þörf á svona efni til að styðja foreldra/mæður eftir fæðingu - og það sem hefur mögulega vantað uppá annars góða meðgöngu – og ung og smábarna vernd. Hér er athygli beint að líðan foreldra og haldbærar skýringar á líðan eftir fæðingu, bæði andlega, tilfinningar, og líkamlega sem ekki hefur verið rætt á þennan hátt. Ég tel að bók eins og þessi verði til mikils gangs og lærdóms til foreldra og styðji þá í þeim þroska sem það er að verða foreldri og takast á við ný hlutverk í daglegu lífi. Mínar hugheilar óskir um gott gengi með verkefnið og að þetta verið aðgengilegt bæði fyrir fagfólk innan heilbrigðsiskerfis og kynnt öllum foreldrum í grunnþjónustu. Það væri svo sannarlega í þágu farsældar barna að líðan foreldar verði kunnug og betri.”

Elísabet Sigfúsdóttir, sérfræðingur hjá Barna og fjölskyldustofu

“Takk Ólafur enn og aftur fyrir að standa vaktina fyrir verðandi og nýorðna foreldra. Það gerir þú með eljusemi og metnaði með því að láta þýða fræðilegar bækur til að bæta aðgengi að þekkingu og koma henni þannig til þeirra sem málið varðar, fagfólks og foreldra. Verðandi og nýorðir feður hafa verið þér hugleiknir yfir langan tíma og enginn hefur gert betur í því en þú að nálgast þá og bjóða þeim stuðning með feðranámskeiðum.” 

Stefanía B. Arnardóttir, Geðheilsuteymi Heilsugæslunnar - Fjölskylduvernd

Umsögn frá tveggja barna föður

“Efnið er ekki bara áhugavert og hjálplegt heldur Ólafur frábær performer og kemur efninu mjög vel frá sér og nær mjög vel til gauranna! Verandi faðir nú þegar þá fannst mér hjálplegast allt sem tengdist fjölskyldunni og tímanum okkar saman og ég hlakka til að skoða betur sjöundu hæðina. Eins var hjálplegt að fá áminningu um að við getum lesið í hvort annað og tekið boltann þegar hitt er þreytt.  Ég mundi hiklaust mæla með þessu námskeiði, hef þegar gert það og mun gera það áfram.  Þetta er námskeiðið sem ég vildi að ég hefði vitað af áður en ég varð faðir þó það hafi ekki síður verið gagnlegt fyrir tveggja barna faðir líka. Takk fyrir mig!”

Gísli Björgvin Gíslason